LIBERDADE 6/09/12

Hoxe, madrugamos coma sempre (levantámonos ás 6 da mañá os que teñen sorte e os que teñen menos, ás 5) e marchamos en busca da Liberdade!

Atopamos a Miss Liberty.

Revisamos a vella estación de onde partían os pobres inmigrantes que chegaron en manadas a illa de Ellis a finais do século XIX e nas primeiras décadas do XX.

Buscamos entre os pliegues da túnica desta gran dama.

Perdímonos nun laberinto de rañaceos de cristal.

Pero a Liberdade non a atopamos por ningún sitio. Así que os rapaces preguntáronlle ao touro (símbolo de Wall Stret e o seu poder económico), aínda que a aproximación non foi pola parte máis nobre! E ¿sabedes que lles contestou?

- "Non perdades a ilusión de atopala, sodes moi noviños"
Polo tanto, sen Liberdade pero con Ilusión, volvimos a casa da nosa familia americana. Claro que non cesaremos no  noso empeño e seguiremos buscando, por certo, mañá na academia militar de West Point.

Aí son as 4:10 da mañá, aquí as 10:00 da noite, así que, boa noite a todos/as.